BTG Universal சார்பில் பாபி பாலச்சந்திரன் தயாரிக்க வைபவ், அதுல்யா ரவி நடித்திருக்கும் படம் சென்னை சிட்டி கேங்ஸ்டர்ஸ். இந்த படம் வரும் ஜூன் 20ஆம் தேதி உலகமெங்கும் வெளியாகிகிறது. இந்த படத்தில் பத்திரிக்கையாளர் சந்திப்பு சென்னையில் நடைபெற்றது. நடிகர், நடிகைகள் உள்ளிட்ட படக்குழுவினர் கலந்து கொள்ள ஒரு கலகலப்பான விழாவாக அமைந்தது.
முக்கிய நடிகர்களான வைபவ், அதுல்யா ரவி, மணிகண்ட ராஜேஷ், ஜான் விஜய், சாம்ஸ் மற்றும் சூர்யா கணபதி ஆகியோர் நகைச்சுவை, அதிரடி மற்றும் திடுக்கிடும் திருப்பங்கள் நிறைந்த இந்த தனித்துவமான படத்தின் ஒரு பகுதியாக இருப்பதில் மகிழ்ச்சி என தங்கள் உற்சாகத்தைப் பகிர்ந்து கொண்டனர். படப்பிடிப்பிலிருந்து பல வேடிக்கையான தருணங்களை நினைவு கூர்ந்தனர். நடிகர்கள், படத்தின் புதிய கதைசொல்லல் மற்றும் நகைச்சுவை ஆற்றலை பார்வையாளர்கள் ரசிப்பார்கள் என்ற நம்பிக்கையை வெளிப்படுத்தினர்.
விக்ரம் கே. ராஜேஷ்வர் மற்றும் அருண் கேசவ் என இரட்டை இயக்குனர்கள் இந்த படத்தை இயக்கியிருக்கிறார்கள், அவர்கள் நகைச்சுவையை கலந்து எப்படி திரைக்கதையை உருவாக்கினர் என்பது பற்றி பேசினர். கதாபாத்திரங்களுக்கு உயிர் கொடுத்த நடிகர்கள் மற்றும் குழுவினருக்கு அவர்கள் நன்றி தெரிவித்தனர், மேலும் படத்தை வடிவமைத்த ஒத்துழைப்பு மனப்பான்மையைப் பாராட்டினர்.
புகழ்பெற்ற ஸ்டண்ட் இயக்குனர் டான் அசோக் அதிரடி சண்டைக் காட்சிகளை அமைத்துள்ளார். இது நகைச்சுவை கதைக்கு ஒரு சிலிர்ப்பான ஸ்டண்ட் வேலையை செய்திருக்கிறது. தேசிய விருது பெற்ற இசையமைப்பாளர் டி. இமான் இந்த படத்திற்கு இசையமைத்துள்ளார்.
இந்த படத்தை பாபி பாலச்சந்திரன் பி. டி. ஜி யுனிவர்சல் சார்பில் தயாரித்துள்ளார். இது பிரதான தமிழ் வணிக சினிமாவில் அவரின் ஒரு வலுவான நுழைவைக் குறிக்கிறது. பி. டி. ஜி யுனிவர்சலின் டாக்டர் மனோஜ் பெனோ தங்கள் நிறுவனம் பொழுதுபோக்கு படங்கள், புதுமையான கதைகள் மற்றும் வளரும் கலைஞர்களை ஆதரிக்கும் எனவும், அவர்கள் நிறுவனத்தின் ஆழமான பார்வையை பற்றியும் எடுத்துரைத்தார்.
சென்னை சிட்டி கேங்ஸ்டர்ஸ் நகைச்சுவை கலந்த அதிரடியான படமாக அனைத்து தரப்பினரும் ரசித்து மகிழும் வகையில் உருவாக்கப்பட்டுள்ளது. ஜூன் 20 ஆம் தேதி வெளியிட திட்டமிடப்பட்டுள்ள இந்த படம் தமிழ்நாடு முழுவதும் உள்ள திரையரங்குகளில் சிரிப்பலைகளையும், உற்சாகத்தையும் கொண்டு வர தயாராக உள்ளது.
