பாக்ஸ்ஆஃபிஸில் தொடர்ச்சியான வர்த்தக வெற்றிகளை கொடுத்து வரும் விஜய் ஆண்டனி, மீண்டும் ஒரு முறை ஒரு அதிரடியான, உணர்வுப்பூர்வமான கதையுடன் ரசிகர்களை திருப்திப்படுத்த வருகிறார். இவருடன் இணைந்து நடிக்கும் முக்கிய கலைஞர்களில்,‘அஜய் திஷான்’, தன் அதிரடி நடிப்பால் தற்போது பரபரப்பை ஏற்படுத்தியுள்ளார். அவருடன் சமுத்திரக்கனி, பிரிகிடா, தீப்ஷிகா, மகாநதி சங்கர், வினோத், சாகர் உள்ளிட்ட பலர் நடித்து இருக்கின்றனர்.
இத்திரைப்படம், பிரபல எடிட்டர் லியோ ஜான் பால் இயக்குநராக அறிமுகமாகும் படம் என்பதோடு, அவர் விஷ்ணுவுடன் இணைந்து கதையை எழுதியிருக்கிறார் என்பது குறிப்பிடத்தக்கது. நீண்ட இடைவேளைக்குப் பிறகு விஜய் ஆண்டனி இசையமைப்பாளராக மாறியுள்ளதும், மார்கனுக்கு ஒரு கூடுதல் எதிர்பார்ப்பை ஏற்படுத்தியுள்ளது.
ஜூன் 27ஆம் தேதி உலகமங்கும் திரையரங்கு வெளியீட்டை முன்னிட்டு, விஜய் ஆண்டனி தலைமையில் நடைபெறும் உற்சாகமான மற்றும் முழுமையான பிரமோஷன் நடவடிக்கைகள் படத்தின் எதிர்பார்ப்பை பலமடங்கு உயர்த்தியுள்ளன. சமூக வலைதளங்களில் இருந்து நேரடி ரசிகர் சந்திப்புகள் வரை, அவரது உற்சாகமான பங்களிப்பு, படத்தின் ஹைபை அதிகரித்திருக்கிறது.
அதிக பரபரப்பை ஏற்படுத்திய மார்கன் ட்ரெய்லர், இப்படம் ஒரு மனதைக் குழப்பும், உணர்வுப் பொங்கும் த்ரில்லராக இருப்பதைக் கட்டாயமாக உணர்த்தியுள்ளது.
